ഹാഫ് വേവ് റെക്റ്റിഫയർ
---------------------
ഒരു PN ജംഗ്ഷൻ ഡയോഡിലൂടെ ഒരു വശത്തേക്കു മാത്രമേ വൈദ്യുതിക്ക് പ്രവഹിക്കാനാവൂ. ഒരു AC മാത്രമായ സിഗ്നൽ ഡയോഡിലൂടെ കടന്നുപോകുമ്പോൾ ഏതെങ്കിലും ഒരു ദിശയിലുള്ള പ്രവാഹം തടഞ്ഞുവെക്കപ്പെടും. താഴെക്കൊടുത്തിരിക്കുന്ന നിർദ്ദേശങ്ങൾ പിന്തുടർന്ന് ഈ പരീക്ഷണം ചെയ്തുനോക്കുക. 1N4148 ആണ് നമ്മൾ ഉപയോഗിക്കുന്ന ഡയോഡ്. PN ജംക്‌ഷന്റെ പോസിറ്റീവ് സൈഡിനെ ആനോഡ് എന്നും നെഗറ്റീവ് സൈഡിനെ കാഥോഡ് എന്നും വിളിക്കാം.

- ഡയോഡിനെ ഒരു ബ്രെഡ്‌ബോർഡിൽ ഉറപ്പിക്കുക
- ഡയോഡിന്റെ കാഥോഡിൽ നിന്നും ഒരു 1000 ഓം റെസിസ്റ്ററും  ഉറപ്പിക്കുക
- റെസിസ്റ്ററിന്റെ മറ്റേ അറ്റം ഒരു വയർ ഉപയോഗിച്ച്  ഗ്രൗണ്ടിലേക്ക് കണക്ട് ചെയ്യുക
- WG ടെർമിനലിനെ ഡയോഡിന്റെ ആനോഡിലേക്ക് ഘടിപ്പിക്കുക. WG ഫ്രീക്വൻസി  1000 Hzൽ  സെറ്റ് ചെയ്യാം.  
- വോൾടേജ് അളക്കാൻ A1ൽ നിന്നും മറ്റൊരു വയറും  ഡയോഡിന്റെ  ആനോഡിലേക്ക്  ഘടിപ്പിക്കുക
- ഡയോഡിന്റെ കാഥോഡിനെ A2വിലേക്ക് ഘടിപ്പിക്കുക 
- തത്കാലം ചിത്രത്തിൽ കാണിച്ചിരിക്കുന്ന കപ്പാസിറ്റർ  കണക്ട് ചെയ്യരുത് 
  
.. figure:: schematics/halfwave.svg
	   :width: 300px


ചിത്രത്തിൽ കാണിച്ചിരിക്കുന്നതു പോലെയുള്ള രണ്ടു ഗ്രാഫുകൾ കിട്ടേണ്ടതാണ്. പോസിറ്റീവ് പകുതിയിൽ മാത്രമാണ്  കാഥോഡിൽ വോൾടേജ് എത്തുന്നത്.ആനോഡിൽ നൽകിയ വോൾട്ടേജിലും അല്പം കുറവാണ് കാഥോഡിൽ എത്തുന്നത് എന്ന് കാണാം. സിലിക്കൺ ഡയോഡിന് പകരം ജർമേനിയം ഡയോഡ് , ഷോട്ക്കി ഡയോഡ് എന്നിവ ഉപയോഗിച്ച് പരീക്ഷണം ആവർത്തിക്കുക വഴി ഇതിന്റെ ഉത്തരം കണ്ടെത്താം.

.. figure:: pics/halfwave-screen.png
	   :width: 300px

ഇനി റെസിസ്റ്ററിനു പാരലൽ ആയി ഒരു 1uF കപ്പാസിറ്റർ ഘടിപ്പിക്കുക. ഔട്ട്പുട്ട് ട്രേസ് താഴെക്കാണിച്ചിരിക്കുന്ന വിധം മാറും.  വോൾടേജ് കൂടിവരുമ്പോൾ കപ്പാസിറ്റർ പരമാവധി വോൾടേജ് വരെ ചാർജ് ചെയ്‌യുകയും രണ്ടു ട്രെയ്‌സും ഒരുപോലെ മുകളിലേക്ക് പോവുകയും ചെയ്യും. എന്നാൽ വോൾടേജ് താഴേക്ക് പോകുമ്പോൾ റെസിസ്റ്ററിന് കറന്റ് ലഭിക്കുന്നത് ക്യാപസിറ്ററിൽ നിന്നായിരിക്കും, ഈ സമയത്തു ഡയോഡിലൂടെ കറന്റ് പ്രവഹിക്കുന്നുന്നില്ല. കപ്പാസിറ്റർ ക്രമേണ ഡിസ്ചാർജ് ചെയ്യുകയും വോൾടേജ് കുറയുകയും ചെയ്യുന്നു. വോൾടേജ് വല്ലാതെ താഴുന്നതിനിടെ അടുത്ത സൈക്കിൾ എത്തുന്നതരത്തിലാണ്  റെസിസ്റ്ററും കപ്പാസിറ്ററും തെരഞ്ഞെടുക്കേണ്ടത് .

.. figure:: pics/halfwave-filter-screen.png
	   :width: 300px

